Getuienisbediening
Tans is ons as Getuienisbediening by verskeidenheid diens areas betrokke onder andere :
- Samaritaanbediening - onder leiding van Ds Werner van den Heever – die bediening van ons plaasarbeiders en hul gesinne. Tot nou was die hoof fokus Jongensklip as bedienings area maar daar word beoog om hierdie diens ook in die toekoms na ander dele van Caledon gemeente se gebied uit te brei.
- Maranatha sopkombuis - Ds Awie Brand is hierby betrokke . Daar word nie net ‘n maaltyd aan behoeftige persone voorsien maar hul word ook geestelik bedien.
- Kleinmond Kinderhuis – Alma Engelbrecht is hier die skakelpersoon. Alma doen baie werk vir die Kinderhuis veral om waar daar behoeftes is te help.
- Riemvasmaak terug skool toe projek - Alma Engelbrecht is ook hier betrokke om aan die begin van ‘n nuwe skooljaar behoeftige kinders van ‘n paar skoolskoene en skryfbehoeftes te voorsien.
- Weskerk Kospakkie projek - hierdie projek voorsien een keer per maand kospakkies aan behoeftige gesinne om hul nood te verlig